Sindri styrkir björgunarsveitirnar.

17.02.2010

Verslunin Sindri gaf rústabjörgunarsveit Ársæls varahluti í Seesnake-myndavél sem var meðal annars notuð við björgunarstörf á Haítí.

Texti mynd: Hákon Ingi Jörundsson afhendir Björgvini Herjófssyni og Haraldi Í. Cecilssyni  Ridgid myndavél

Íslenska alþjóða björgunarsveitin  hefur unnið mikilvægt og óeigingjarnt starf á Haíti. Við björgunarstörfin var meðal annars notast við Seesnake myndavél frá Ridgid.

Þegar liðsmaður björgunarsveitarinnar Ársæls sem var nýkominn heim frá Haítí hafði samband við verslun Sindra til að kanna verð á varahlut í Seesnake myndavélina frá Ridgid sem skemmst hafði við björgunarstörfin þá var það auðveld ákvörðun af Sindra hálfu að tilkynna þeim að Sindri myndi gefa þeim varahlutina.

Auk þess var ákveðið að Sindri gæfi sveitinni aðra samskonar vél ásamt aukahlutum sem auka notkunarmöguleika vélanna og getu björgunarsveitarinnar

“Meðlimur björgunarsveitarinnar sagði að myndavélin hafi komið að góðum notum við störf sveitarinnar á Haítí.  Myndavélin hefur komið á óvart sem ódýr og einfaldur kostur sem virkar við erfiðar aðstæður og eykur fyrst og fremst öryggi sveitarmeðlima og sparar mikinn tíma við leitina að fórnarlömbum”.

Þar sem Sindri er einnig með umboð fyrir DeWALT verkfæri og flestar björgunarsveitir landsins nota slík tæki hefur Sindri ákveðið að veita björgunarsveitunum fría viðgerðarþjónustu á DeWALT tækjunum til að þau verði ávallt í fullkomnu lagi.

Ef einhverjir vilja styrkja rústahóp björgunarsveitarinnar Ársæls þá er reikningurinn 0101-26-040020 og kennitalan 540999-2449. Einnig er hægt að hafa samband í síma 841-3009